ചെന്നൈ: ചെന്നൈയില്‍ ഇന്ന് മുതല്‍ ബസ് യാത്ര സൗജന്യം. പ്രളയത്തിന്റെ പശ്ചാത്തലം കണക്കിലെടുത്താണ് ബസ് യാത്ര കുറച്ചു ദിവസത്തേക്ക് സൗജന്യമാക്കാന്‍ തീരുമാനിച്ചതെന്ന് മുഖ്യമന്ത്രി ജയലളിത പറഞ്ഞു.
കുറച്ചുദിവസമായി തുടരുന്ന കനത്ത മഴയുടെ ശക്തി കുറഞ്ഞിട്ടുണ്ട്. നദികളിലെ ജലനിരപ്പും കഴിഞ്ഞ ദിവസങ്ങളെ അപേക്ഷിച്ച് താഴ്ന്നിട്ടുണ്ട്.എന്നാല്‍ വെള്ളപ്പൊക്കത്തിന് പൂര്‍ണ പരിഹാരമായിട്ടില്ല.ഭക്ഷണവും വെള്ളവുമില്ലാതെ നിരവധിയാളുകളാണ് പലയിടങ്ങളിലും കുടുങ്ങിയിരിക്കുന്നത്.
ഇതിനിടെ ഭക്ഷ്യവസ്തുക്കളുടെയും കുടിവെള്ളത്തിന്റെയും ഉള്‍പ്പെടെ വിലക്കയറ്റവും ഇന്ധന ക്ഷാമവും ആളുകളെ ദുരിതത്തിലാക്കിയിരിക്കുകയാണ്. വരുംദിവസങ്ങളില്‍ പകര്‍ച്ചവ്യാധി ഭീഷണിയും ചെന്നൈ നേരിടേണ്ടി വരുമെന്നാണ് കരുതുന്നത്.
