പത്തനംതിട്ട: ആങ്ങമൂഴിയില്‍ ചാരായം വാറ്റുന്നതനായി സൂക്ഷിച്ചിരുന്ന 500 ലിറ്ററിലധികം കോട എക്‌സൈസ് സംഘം പിടികൂടി നശിപ്പിച്ചു. ആങ്ങമൂഴി കൊച്ചാണ്ടി പുന്നക്കല്‍ വീട്ടില്‍ ബിജുവിന്റെ (കണ്ണ് ബിജു) വീടിന് സമീപത്ത് നിന്നുമാണ് 555 ലിറ്റര്‍ കോട പിടികൂടിയത്.
പത്തനംതിട്ട എക്‌സൈസ് എന്‍ഫോഴ്‌സ്‌മെന്റ് ആന്റ് ആന്റി നാര്‍ക്കോട്ടിക് സ്‌പെഷ്യല്‍ സ്‌ക്വാഡ് സര്‍ക്കിള്‍ ഇന്‍സ്പെക്ടര്‍ എസ് ഷിജുവിന്റെ നേതൃത്ത്വത്തില്‍ ഇന്നലെ നടന്ന പരിശോധനയിലാണ് കോട പിടികൂടിയത്. സംഭവത്തില്‍ ബിജുവിന്റെ പേരില്‍ അബ്കാരി കേസ് രജിസ്റ്റര്‍ ചെയ്തു. പ്രതിയെ പിടികൂടിയിട്ടില്ല.
