കൊല്‍ക്കത്ത: ദുബായിലെ മാസ്റ്റേഴ്സ് ചാമ്പ്യന്‍സ് ലീഗ് ട്വന്റി-20 ക്രിക്കറ്റില്‍ ലിബ്ര ലെജന്‍ഡ്‌സ് ടീമിനെ മുന്‍ ഇന്ത്യന്‍ ക്യാപ്റ്റന്‍ സൗരവ് ഗാംഗുലി നയിക്കും. ദുബായില്‍ നടന്ന ചടങ്ങിലാണു ഗാംഗുലിയെ ക്യാപ്റ്റനും അബാസഡറുമായി പ്രഖ്യാപിച്ചത്. ടീം ജഴ്‌സിയും ചടങ്ങില്‍ പുറത്തിറക്കി.
ദക്ഷിണാഫ്രിക്കന്‍ താരങ്ങളായ ജാക് കാലിസ്, നിക്കി ബോജെ, ഓസീസ് താരങ്ങളായ ഷോണ്‍ ടെയ്റ്റ്, ബ്രാഡ് ഹോഗ്, ഇംഗ്ലീഷ് താരം ഗ്വെയിം സ്വാന്‍ എന്നിവരാണ് ടീമിലെ പ്രധാന കളിക്കാര്‍. ലോകക്രിക്കറ്റിലെ വമ്പന്‍ താരങ്ങള്‍ പങ്കെടുക്കുന്ന മാസ്റ്റേഴ്സ് ചാമ്പ്യന്‍സ് ലീഗ് യുഎഇയില്‍ ഈ മാസം 28നാണ് ആരംഭിക്കുക. ആറു ടീമുകളാണ് ചാമ്പ്യന്‍ഷിപ്പില്‍ പങ്കെടുക്കുന്നത്.
