ക്വറ്റ: പാക്കിസ്ഥാനിലെ ക്വറ്റയിൽ ബുധനാഴ്ച നടന്ന രണ്ട് ആക്രമണങ്ങളിൽ ആറ് സുരക്ഷാ സൈനികർ കൊല്ലപ്പെട്ടു. ആദ്യത്തേത് ക്വറ്റയിൽ നിന്ന് 30 കിലോമീറ്റർ അകലെയുള്ള അർദ്ധസൈനിക സേനയുടെ ചെക്ക് പോസ്റ്റിലായിരുന്നു. ചാവേറാക്രമണമായിരുന്നു ഇത്. ഈ അക്രമണത്തിൽ നാല് സൈനികർ കൊല്ലപ്പെട്ടു.
രണ്ടാമത്തേത് ഡിഎസ്പിയുടെ വാഹനത്തിനു നേരെയുണ്ടായ ആക്രമണത്തില്‍ രണ്ട് പൊലീസ് ഉദ്യോഗസ്ഥർ കൊല്ലപ്പെട്ടു. ക്വറ്റയില്‍ ഡിഎസ്പി ഹമീദുള്ള ദാസ്തിയുടെ വാഹനത്തിനുനേരെയാണ് അജ്ഞാതരായ തോക്കുധാരികൾ ആക്രമണം നടത്തിയത്.
ഫെബ്രുവരി 14ന് നാല് സുരക്ഷാ ജീവനക്കാർ അവരുടെ വാഹനത്തിന് നേരെ ഉണ്ടായ സമാനമായ ആക്രമണത്തിൽ കൊല്ലപ്പെട്ടിരുന്നു. ക്വറ്റയിലെ സുരക്ഷാ ഉദ്യോഗസ്ഥരെയും ഗവൺമെൻറ് അധികാരികളെയും ലക്ഷ്യമാക്കി ആക്രമണം നടത്തുന്നത് അന്വേഷിക്കുകയാണെന്ന് അധികൃതർ അറിയിച്ചു.
