സംവിധായകന്‍ ജോഷിയും സൂപ്പര്‍ സ്റ്റാര്‍ മോഹന്‍ലാലും വീണ്ടുമൊന്നിക്കുന്നു. 2015ല്‍ ഇറങ്ങിയ ലൈല ഓ ലൈല എന്ന സിനിമയാണ് ഇരുവരും ഒന്നിച്ച അവസാന ചിത്രം. ബോക്‌സോഫീസില്‍ വന്‍ പരാജയം ഏറ്റുവാങ്ങി ചിത്രമാണ് ലൈല ഒ ലൈല . പുതിയ ചിത്രത്തെ കുറിച്ച് കൂടുതല്‍ വിവരങ്ങളൊന്നും പുറത്ത് വന്നിട്ടില്ല.
അതേസമയം, ദിലീപ് നായകനാവുന്ന സിനിമയാണ് ജോഷി ഇനി സംവിധാനം ചെയ്യുക. ജോഷി തന്നെ സംവിധാനം ചെയ്ത റണ്‍വേ എന്ന സിനിമയുടെ രണ്ടാം ഭാഗമാണിത്. ദിലീപിനേയും മോഹന്‍ലാലിനേയും നായകന്മാരാക്കി സിനിമ ചെയ്യുന്ന കാര്യം ജോഷി സ്ഥിരീകരിച്ചിട്ടുണ്ട്.
യുവനടന്‍ ഫഹദ് ഫാസിലിനെ നായകനാക്കി സിംഗിള്‍ എന്ന പേരില്‍ ഒരു സിനിമ സംവിധാനം ചെയ്യാന്‍ ജോഷി തീരുമാനിച്ചിരുന്നതാണ്. പിന്നീട് അത് ഉപേക്ഷിക്കുകയായിരുന്നു.
