ടാബ് ലെറ്റ് വിപണിയിലേക്ക് സാംസങില്‍ നിന്നും പുതിയൊരു ടാബ് ലെറ്റ് കൂടി വരുന്നു. പുതിയ എട്ട് ഇഞ്ച് ഗാലക്സി ടാബ് എയാണ് വിപണിയിലെത്തിയത്. കറുപ്പ്, ചാര നിറങ്ങളിലാണ് നിറങ്ങളിലാണ് ടാബ് വിപണിയിലെത്തുന്നത്. കനം കുറഞ്ഞ അരികുകളും. ഡ്യുവല്‍ സ്പീക്കറുകളുമായാണ് ഗാലക്സി ടാബ് എ എത്തിയിരിക്കുന്നത്.
9,999 രൂപയാണ് ഇതിന് വില, വൈഫൈ മാത്രമുള്ള പതിപ്പിനാണ് 9,999 രൂപ വില. അതേസമയം വൈഫൈയും, എല്‍ടിഇ കണക്റ്റിവിറ്റിയുമുള്ള പതിപ്പിന് 11,999 രൂപയാണ് വില. ഗാലക്സി ടാബ് എ എട്ട് ഇഞ്ച് വൈഫൈ പതിപ്പ് ഫ്ളിപ്കാര്‍ട്ടിലും സാംസങ് ഷോപ്പിലും വ്യാഴാഴ്ച മുതല്‍ മുന്‍കൂര്‍ ബുക്ക് ചെയ്യാനാവും. ഈ മാസം അവസാനത്തോടെയാണ് എല്‍ടിഇ പതിപ്പ് വില്‍പനയ്ക്കെത്തുക.
5100 എംഎഎച്ച് ബാറ്ററിയാണ് ഇതിലുള്ളത്. സ്നാപ്ഡ്രാഗണ്‍ 429 പ്രൊസസര്‍ ഇതില്‍ ഉപയോഗിച്ചിരിക്കുന്നു. 32 ജിബി ഇന്റേണല്‍ സ്റ്റോറേജ് സൗകര്യമുള്ള ഈ ടാബില്‍ 512 ജിബി വരെയുള്ള മൈക്രോ എസ്ഡി കാര്‍ഡുകള്‍ ഉപയോഗിക്കാനാവും. കുട്ടികളുടെ ഉപയോഗം നിയന്ത്രിക്കുന്നതിനായി കിഡ്സ് ഹോം എന്ന ഒരു ഫീച്ചര്‍ ഇതിലുണ്ടാവും.
