ശ്രീനഗര്‍: ജമ്മുകശ്മീരില്‍ സ്‌ഫോടക വസ്തു വഹിച്ചിരുന്ന ഡ്രോണ്‍ വെടിവെച്ചിട്ടു. കനാചക് അതിര്‍ത്തി മേഖലയില്‍ നിന്ന് 6 കിലോമീറ്റര്‍ അകലെയാണ് സംഭവം. ഹെക്‌സാകോപ്ടര്‍ ഡ്രോണ്‍ ആണ് പൊലീസ് വെടിവച്ചിട്ടത്. അഞ്ചു കിലോയോളം സ്‌ഫോടക വസ്തുവാണ് ഇതിലുണ്ടായിരുന്നത്.
അതിനിടെ, സോപോറില്‍ രണ്ട് ലഷ്‌കര്‍ ഇ തൊയ്ബ ഭീകരരെ സേന വധിച്ചു. ഇന്നലെ രാത്രിയിലുണ്ടായ ആക്രമണത്തിലാണ് ഭീകരരെ വധിച്ചത്. ഏറ്റുമുട്ടല്‍ അവസാനിച്ചുവെന്ന് സുരക്ഷാസേന അറിയിച്ചു. സ്ഥലത്ത് തെരച്ചില്‍ തുടരുകയാണ്.
