ഹോങ്കോങ്: വിശ്വ പ്രശസ്തമായ ഹോങ്കോങ് ജംബോ ഫ്ലോട്ടിങ് റസ്റ്ററന്റ് തെക്കൻ ചൈനാക്കടലിൽ മുങ്ങി. ഒരാഴ്ച മുൻപ് അറ്റകുറ്റപ്പണികൾക്കായി ഈ ഫ്ലോട്ടിങ് റസ്റ്ററന്റ് ഹോങ്കോങ്ങിൽ നിന്നു ബോട്ടുകളിൽ കെട്ടിവലിച്ചു മാറ്റാൻ തുടങ്ങിയിരുന്നു. ഈ യാത്രയ്ക്കിടെ ഷീഷാ ദ്വീപുകൾക്കു സമീപത്തുകൂടി പോകുമ്പോൾ കൂടുതൽ തകരാറു പറ്റുകയും വെള്ളം കയറി മുങ്ങുകയുമായിരുന്നു. എലിസബത്ത് രാജ്ഞി, നടൻ ടോം ക്രൂസ് തുടങ്ങിയ പ്രമുഖർ ഇവിടെനിന്നു ഭക്ഷണം കഴിച്ചിട്ടുണ്ട്. 1971ലാണ് ഈ റസ്റ്ററന്റ് രൂപകൽപന ചെയ്തത്. 80 മീറ്ററോളം നീളമുണ്ടായിരുന്ന ജംബോയിലെ പരമ്പരാഗത ചൈനീസ് വിഭവങ്ങൾ ജനപ്രിയമായിരുന്നു.
ഹോങ്കോങ്ങിലെ ജംബോ ഫ്ലോട്ടിങ് റസ്റ്ററന്റ് കടലിൽ മുങ്ങി
