കോഴിക്കോട്: അരീക്കോട് കെഎസ്ആർടിസി ബസ് ലോറിയിൽ ഇടിച്ച് ഒരാൾ മരിച്ചു. പാലക്കാട് മണ്ണാർക്കാട് സ്വദേശി ഷഫീഖ് ആണ് മരിച്ചത്. പുലർച്ചെ അഞ്ചുമണിയോടെയാണ് അപകടം നടന്നത്.
നിർത്തിയിട്ടിരുന്ന കോഴി ലോറിയിൽ അമിത വേഗത്തിൽ വന്ന ബസ് ഇടിക്കുകയായിരുന്നു. ഇടിയുടെ ആഘാതത്തിൽ ലോഡ് ഇറക്കിക്കൊണ്ടുനിന്ന ഷഫീഖ് ലോറിയിൽ നിന്ന് തെറിച്ചുവീണു. ഉടൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ബസ് ഡ്രൈവർ ഉൾപ്പെടെ അഞ്ചുപേർക്ക് പരിക്കേറ്റു.
