കൊല്ലം: ദേശീയപാതയിൽ കൊല്ലം മൈലക്കാട് വാഹനാപകടത്തിൽ അച്ഛനും മകളും മരിച്ചു. ബൈക്ക് യാത്രക്കാരായ മൈലക്കാട് സ്വദേശി ഗോപകുമാർ, മകൾ ഗൗരി എന്നിവരാണ് മരിച്ചത്. രാവിലെ എട്ടരയോടെയാണ് അപകടമുണ്ടായത്. സ്‌കൂളിലേക്ക് പോകുംവഴിയാണ് അപകടം.
ഇരുവരും സഞ്ചരിച്ചിരുന്ന ബൈക്കിൽ കണ്ടെയ്‌നർ ലോറി ഇടിക്കുകയായിരുന്നു. ലോറി ഡ്രൈവറുടെ അശ്രദ്ധയും അമിതവേഗതയുമാണ് അപകടത്തിന് കാരണമെന്ന് ദൃക്‌സാക്ഷികളായ നാട്ടുകാർ പറഞ്ഞു. ബൈക്കില്‍ ഇടിച്ച ശേഷവും ലോറി നിർത്താതെ പോയി. തുടർന്ന് നാട്ടുകാരാണ് ലോറി തടഞ്ഞത്. ഇരുവരും സംഭവസ്ഥലത്ത് വെച്ച് തന്നെ മരിച്ചിരുന്നു. ചാത്തന്നൂർ ഗവ. സ്‌കൂളിലെ പ്ലസ്ടു വിദ്യാർഥിയാണ് ഗൗരി.
