ഷോപിയാന്‍: ജമ്മു കശ്മീരിലെ ഷോപിയാനില്‍ സുരക്ഷാസേനയുമായുള്ള ഏറ്റുമുട്ടിലില്‍ ഒരു തീവ്രവാദിയെ വധിച്ചു. ഷോപിയാനിലെ ദൈരു കീഗം ഗ്രാമത്തിലാണ് ഏറ്റുമുട്ടല്‍ നടന്നത്.
പ്രദേശത്ത് രണ്ട് തീവ്രവാദികള്‍ ഉണ്ടായിരുന്നുവെന്നാണ് നിഗമനം. സുരക്ഷാസേനയും ജമ്മു കശ്മീര്‍ പൊലീസും നടത്തുന്ന സംയുക്ത പരിശോധനയില്‍ സി.ആര്‍.പി.എഫും പങ്കെടുക്കുന്നുണ്ട്.
സംയുക്ത തിരച്ചിലിനിടെയാണ് തീവ്രവാദികളുള്ള സ്ഥലം കണ്ടെത്തിയത്. തീവ്രവാദികള്‍ വെടിവെച്ചതിന് പിന്നാലെ സേനയും തിരിച്ചടിക്കുകയായിരുന്നു.
