ഒരു സിനിമ ചിത്രീകരണം കഴിഞ്ഞതിന് ശേഷം തീയേറ്ററുകളിൽ എത്താൻ ചിലപ്പോൾ വൈകും.
അത്തരത്തിൽ റിലീസ് ചെയ്യാനാവാതെ ഇരുന്ന പ്രഭുദേവ ചിത്രം തിയേറ്ററുകളിലേയ്ക്ക് എത്തുകയാണ് ഇപ്പോൾ. ചിത്രത്തിന്റെ ട്രെയിലര്‍ പുറത്തിറക്കി.
പ്രഭുദേവ, ഭൂമിക, പ്രകാശ് രാജ്, സത്യരാജ് എന്നിവര്‍ അഭിനയിച്ച ‘ കളവാടിയ പൊഴുതുകള്‍’ എന്ന ചിത്രമാണ് റിലീസിനൊരുങ്ങുന്നത്.
2009 മാര്‍ച്ച് 25നാണ് സിനിമയുടെ ചിത്രീകരണം ആരംഭിച്ചത്. 2010 അവസാനത്തോടെ ചിത്രീകരണം പൂര്‍ത്തിയായെങ്കിലും ചിത്രം റിലീസ് ചെയ്യാന്‍ വൈകുകയായിരുന്നു.
ചിത്രം എന്നാണ് തീയേറ്ററുകളിൽ എത്തുന്നത് എന്ന് അണിയറപ്രവർത്തകർ വ്യക്തമാക്കിയിട്ടില്ല.
