മലയാള സിനിമയില്‍ ചുരുക്കം സിനിമകള്‍ കൊണ്ടു തന്നെ ശ്രദ്ധിക്കപ്പെട്ട താരമാണ് ടൊവിനോ തോമസ്.
എന്നാല്‍ മലയാളത്തിനു പുറമെ തമിഴിലും ശ്രദ്ധിക്കപ്പെടാന്‍ ഒരുങ്ങുകയാണ് താരം. ടൊവിനോയുടെ ആദ്യത്തെ തമിഴ് ചിത്രം റിലീസിന് ഒരുങ്ങുകയാണ്.
ടൊവിനോയ്ക്കായി ഒരു സസ്‌പെന്‍സ് ത്രില്ലര്‍ ഒരുങ്ങുന്നു എന്നാണ് പുതിയ വാര്‍ത്തകള്‍. നവാഗതനായ അനുരാജ് മനോഹര്‍ സംവിധാനം ചെയ്യുന്ന ചിത്രത്തില്‍ ഒരു ഉള്‍നാടന്‍ ഗ്രാമത്തിലെ യുവാവായാണ് ടോവിനോ എത്തുന്നത്.
ഇയാള്‍ കൊച്ചിയിലെത്തിയതിനു ശേഷമുണ്ടാകുന്ന സംഭവവികാസങ്ങളാണ് ചിത്രത്തിന്റെ പ്രമേയം. രതീഷ് രവി തിരക്കഥ എഴുതുന്ന ചിത്രത്തിന്റെ പേര് ഇനിയും നിശ്ചയിച്ചിട്ടില്ല. ചിത്രത്തിന്റെ കാസ്റ്റിംഗ് ജോലികള്‍ പുരോഗമിക്കുകയാണ്.
