മമ്മൂട്ടി കേന്ദ്രകഥാപാത്രമായ ചിത്രം അബ്രഹാമിന്റെ സന്തതികളിലെ പുതിയ ചിത്രം പുറത്തുവിട്ടു. പൊലീസ് സ്റ്റേഷന്‍ വരാന്തയിലൂടെ നടന്നുവരുന്ന ഡെറിക് എബ്രഹാമിനെയാണ് ചിത്രത്തില്‍ കാണാന്‍ കഴിയുക. ചിത്രത്തില്‍ പൊലീസ് ഓഫീസറായാണ് മമ്മൂട്ടി വേഷമിടുന്നത്.
മമ്മൂട്ടിയുടെ തന്നെ ഗ്രേറ്റ് ഫാദറിന്റെ സംവിധായകനായിരുന്ന ഹനീഫ് അദേനിയാണ് അബ്രഹാമിന്റെ സന്തതികള്‍ക്ക് തിരക്കഥ രചിച്ചിരിക്കുന്നത്. ഗുഡ്‌വില്‍ എന്റര്‍ടെയ്ന്‍മെന്റ്‌സിന്റെ ബാനറില്‍ ജോബി ജോര്‍ജ്ജാണ് ചിത്രം നിര്‍മ്മിക്കുന്നത്.
പ്രഖ്യാപന വേളമുതല്‍ ചിത്രത്തിന് മികച്ച സ്വീകാര്യതയാണ് സമൂഹമാധ്യമങ്ങളില്‍ ലഭിച്ചുകൊണ്ടിരിക്കുന്നത്. ചിത്രം ഈദിന് തിയേറ്ററുകളിലെത്തും.
