കഴക്കൂട്ടം: കുളത്തൂര്‍ ബൈപ്പാസില്‍ കാര്‍ നിയന്ത്രണം വിട്ടുണ്ടായ അപകടത്തില്‍ ഒരാള്‍ മരിച്ചു. അപകടത്തില്‍ രണ്ട് പേര്‍ക്ക് ഗുരുതരമായി പരുക്കേല്‍ക്കുകയും ചെയ്തു. റോഡിലെ ഡിവൈഡറിലും പിന്നീട് സമീപത്തെ മരത്തിലുമിടിച്ചായിരുന്നു അപകടം ഉണ്ടായത്. കൊല്ലം സ്വദേശി ഷാജഹാന്‍ (49) ആണ് മരണപ്പെട്ടത്.
കൂടെയുണ്ടായിരുന്ന ബന്ധുക്കളായ അസറുദീന്‍ (24) ഷാജിന്‍ (44) എന്നിവര്‍ക്കാണ് ഗുരുതരമായി പരുക്കേറ്റത്. ഇവരെ സ്വകാര്യ ആശുപത്രിയില്‍ പ്രവേശിപ്പിച്ചു.
പുലര്‍ച്ചെ 5.30 നായിരുന്നു അപകടം സംഭവിച്ചത്. തിരുവനന്തപുരത്തെ സ്വകാര്യ ആശുപത്രിയില്‍ ഡയാലിസിസിനായി രോഗിയേയും കൊണ്ടുപോയ കാറാണ് അപകടത്തില്‍പ്പെട്ടത്. പൊലീസ് സ്ഥലത്തെത്തി മേല്‍ നടപടികള്‍ സ്വീകരിച്ചു.
