ആലപ്പുഴ: ഹരിപ്പാട്-ചേപ്പാട് ദേശീയപാതയിലുണ്ടായ വാഹനാപകടത്തില്‍ ഒരാള്‍ മരിച്ചു. ട്രാവലറിന്റെ ഡ്രൈവറാണ് മരിച്ചത്. നാല് പേരുടെ നില ഗുരുതരമാണ്.
യാത്രക്കാരുമായി പോയ ടെമ്പോ ട്രാവലറും ലോറിയുമാണ് കൂട്ടിയിടിച്ചത്. ട്രാവലറില്‍ യാത്രക്കാര്‍ കുടുങ്ങിക്കിടക്കുകയാണ്. പരിക്കേറ്റവരെ കായംകുളം, ഹരിപ്പാട് താലൂക്കാശുപത്രികളിലേക്ക് മാറ്റി.
തിരുവനന്തപുരത്ത് നിന്ന് ചോറ്റാനിക്കരയിലേക്ക് പോവുകയായിരുന്ന സംഘമാണ് ട്രാവലറിലുണ്ടായിരുന്നതെന്നാണ് വിവരം. സ്ത്രീകളും കുട്ടികളുമടക്കം 20 ല്‍ അധികം പേര്‍ വാഹനത്തിലുണ്ടായിരുന്നു.
രാവിലെ അഞ്ചേകാലോടെ ആയിരുന്നു അപകം. ദേശീയപാതയില്‍ ഗതാഗതം സ്തംഭിച്ചിരിക്കുകയാണ്.
