ബെയ്ജിങ്: ചൈനയില്‍ പ്രൈമറി സ്‌കൂളിന് മുമ്പില്‍ നിയന്ത്രണം വിട്ട കാര്‍ കുട്ടികള്‍ക്കിടയിലേക്ക് ഇടിച്ചു കയറി അഞ്ചുപേര്‍ മരിച്ചു. അപകടത്തില്‍ 18 പേര്‍ക്ക് പരിക്കേറ്റു.
തെക്കു കിഴക്കന്‍ ചൈനയിലെ പ്രൈമറി സ്‌കൂളിനു മുന്നിലാണ് അപകടം ഉണ്ടായത്. കുട്ടികള്‍ റോഡ് മുറിച്ചു കടക്കുന്നതിനിടയിലായിരുന്നു അപകടം സംഭവിച്ചത്. പ്രദേശത്തെ സിസിടിവി ദൃശ്യങ്ങളില്‍ നിന്ന് കാര്‍ ദിശ തെറ്റിയാണ് വന്നതെന്നാണ് റിപ്പോര്‍ട്ടുകള്‍.
വരിവരിയായി നടന്ന കുട്ടികള്‍ക്കിടയിലേക്കാണ് കാര്‍ ഇടിച്ചുകയറിയത്. പരിക്കേറ്റവരെ ആശുപത്രിയില്‍ പ്രവേശിപ്പിച്ചു. അപകടത്തില്‍പ്പെട്ട കുട്ടികളെക്കുറിച്ചുള്ള കൂടുതല്‍ വിവരങ്ങള്‍ വെളിപ്പെടുത്തിയിട്ടില്ല.
