കൊല്ലം: കൊല്ലം കൊട്ടാരക്കരയില്‍ കെഎസ്ആര്‍ടിസി ബസും കാറും കൂട്ടിയിടിച്ചുണ്ടായ അപകടത്തില്‍ അഞ്ചു പേര്‍ മരിച്ചു.
കാർ യാത്രക്കാരായ രണ്ട് സ്ത്രീകളും രണ്ട് കുട്ടികളും ഡ്രൈവറുമാണ് മരിച്ചിരിക്കുന്നത്. കാറിൽ ആറ് പേരായിരുന്നു ഉണ്ടായിരുന്നത്. ഇതിൽ ഒരു കുട്ടി മാത്രമാണ് രക്ഷപ്പെട്ടത്. കാർ പൂർണമായും തകർന്നു. നാട്ടുകാരാണ് അപകടത്തിൽപെട്ടവരെ പുറത്തെടുത്തത്. പത്തനംതിട്ട വടശേരിക്കര സ്വദേശികളാണ് മരിച്ചത്.
എംസി റോഡിൽ ആയൂരിന് സമീപമാണ് അപകടമുണ്ടായത്. കട്ടപ്പന-തിരുവനന്തപുരം സൂപ്പർഫാസ്റ്റുമായിട്ടാണ് കാർ ഇടിച്ചത്.
