കോഴിക്കോട്: കോഴിക്കോട് മുക്കത്ത് എന്‍ഐടിക്ക് സമീപം ബസും സ്‌കൂട്ടറും കൂട്ടിയിടിച്ചുണ്ടായ അപകടത്തില്‍ രണ്ട് പേര്‍ മരിച്ചു.
മുക്കം ചേന്ദമംഗല്ലൂര്‍ സ്വദേശി വി.കെ. ഇസ്മായില്‍(53), പേരാമ്പ്ര എരോത്ത് ഗാര്‍ഡന്‍ ഹൗസില്‍ മുഹമ്മദ് താജുദ്ദീന്‍(32) എന്നിവരാണ് മരിച്ചത്.
ഇന്ന് രാവിലെയായിരുന്നു അപകടം നടന്നത്. കോഴിക്കോട് നിന്ന് മുക്കത്തേക്ക് പോവുകയായിരുന്ന സ്വകാര്യ ബസ് ഇവര്‍ സഞ്ചരിച്ച സകൂട്ടറില്‍ ഇടിച്ചാണ് അപകടമുണ്ടായത്. ഇരുവരും ചേന്ദമംഗല്ലൂര്‍ കെ.സി. ഫൗണ്ടേഷന്‍ ജീവനക്കാരാണ്.
