ചവറ: യുവാവിനെ കുത്തിക്കൊല്ലാന്‍ ശ്രമിച്ച കേസില്‍ പ്രതി പിടിയില്‍. നീണ്ടകര, നടുവില്‍ തോപ്പില്‍ പടിഞ്ഞാറ്റതില്‍ ആന്റപ്പന്‍ (25) ആണ് ചവറ പൊലീസിന്റെ പിടിയിലായത്. നീണ്ടകര സ്വദേശിയായ ടോണിയെ ആന്റപ്പന്‍ ഉപദ്രവിച്ചിരുന്നു. തുടര്‍ന്ന് ടോണിയുടെ മാതാവ് പൊലീസില്‍ പരാതി നല്‍കി. ഈ വിരോധത്തില്‍ ടോണിയുടെ ബന്ധുവായ റോഷനെ ആന്റപ്പനും സുഹൃത്തുക്കളും ചേര്‍ന്ന് ഭീഷണിപ്പെടുത്തുകയും മര്‍ദിക്കുകയും ചെയ്തു.
ഗുരുതര പരിക്കേറ്റ റോഷന്‍ സ്വകാര്യ ആശുപത്രിയില്‍ ചികിത്സയിലാണ്. ചവറ പൊലീസില്‍ നല്‍കിയ പരാതിയുടെ അടിസ്ഥാനത്തില്‍ നടത്തിയ അന്വേഷണത്തിലാണ് ആന്റപ്പന്‍ വലയിലായത്. ചവറ ഇന്‍സ്‌പെക്ടര്‍ കെ.ആര്‍. ബിജുവിന്റെ നേതൃത്വത്തിലുള്ള പൊലീസ് സംഘമാണ് പ്രതിയെ അറസ്റ്റ് ചെയ്തത്.
