മലയാള സിനിമയിൽ നിരവധി കഥാപാത്രങ്ങളിലൂടെ പ്രേക്ഷകരെ രസിപ്പിച്ച പ്രിയ നടൻ ചെമ്പൻ വിനോദ് ജോസിന്റെ അനുജൻ ഉല്ലാസ് ചെമ്പൻ സംവിധായകനാകുന്നു. ചെമ്പൻ വിനോദ് തന്നെയാണ് ചിത്രത്തിലെ ഫസ്റ്റ് ലുക്ക് പോസ്റ്റർ അടങ്ങുന്ന ചിത്രം ഫേസ്ബുക്കിലൂടെ പുറത്തുവിട്ടിരിക്കുന്നത്.
‘പാമ്പിച്ചി’ എന്ന് പേരിട്ടിരിക്കുന്ന ചിത്രം നിർമ്മിക്കുന്നത് ബ്രോസ്ക്കി പിക്ചർ ആണ്.ചിത്രത്തിലെ താരങ്ങളെ കുറിച്ചോ മറ്റ് അണിയറ പ്രവർത്തകരെ കുറിച്ച് ഒന്നും തന്നെ വാർത്തകൾ പുറത്തുവിട്ടിട്ടില്ല. ചെമ്പൻ വിനോദ് സ്ക്രിപ്റ്റ് എഴുതി ലിജോ ജോസ് പെല്ലിശ്ശേരി ഒരുക്കിയ അങ്കമാലി ഡയറീസ് എന്ന ചിത്രത്തിൽ ഒരു കഥാപാത്രത്തെ ഉല്ലാസ് അവതരിപ്പിച്ചിട്ടുണ്ട്.
