മലയാള സിനിമയില്‍ പ്രേക്ഷകരുടെ മനസ്സില്‍ ഇടം നേടിയ താരപുത്രനാണ് കാളിദാസ് ജയറാം. രണ്ടു മാസമായി സിനിമയില്‍ നിന്നും ചെറിയൊരു ഇടവേള എടുത്ത താരം ഇപ്പോഴിതാ പുതിയ മേക്ക് ഓവറില്‍ പ്രത്യക്ഷപ്പെട്ടിരിക്കുകയാണ്.
കൊറോണയെ തുടര്‍ന്ന് മലയാള സിനിമ മുഴുവനായി ഒരു നീണ്ട ഇടവേളയിലേക്ക് പോയ അവസരത്തിലാണ് ഗംഭീര മേക്കോവറില്‍ വീടുകളില്‍ കഴിയുന്നവര്‍ക്ക് ചെറിയ ഉപദേശവുമായി താരം എത്തിയിരിക്കുന്നത്.
‘എല്ലാവരും വീട്ടില്‍ കഴിയുക. നിങ്ങള്‍ ആരോഗ്യവാന്മാരായിരിക്കാന്‍ ശ്രദ്ധിക്കുക. വ്യായാമം ചെയ്തും റിലാക്‌സ് ചെയ്തും നിങ്ങള്‍ക്ക് ഈ സമയം നന്നായി ചിലവഴിക്കാം. ആരോഗ്യം സംരംക്ഷിക്കാം.’ വര്‍ക്കൗട്ട് ചെയ്യുന്നതിനിടെയുള്ള ചിത്രം സമൂഹമാധ്യമത്തില്‍ പങ്കു വച്ചു കൊണ്ട് കാളിദാസ് കുറിച്ചു.
മസിലൊക്കെ ഉരുട്ടി ഗംഭീര മേക്കോവറിലുള്ള താരത്തിന്റെ പുതിയ ചിത്രം ഇതിനോടകം തന്നെ വൈറലായി കഴിഞ്ഞു.’ഉറുമി’ക്കു ശേഷം സന്തോഷ് ശിവന്‍ സംവിധാനം ചെയ്യുന്ന മലയാള ചിത്രം ‘ജാക്ക് ആന്‍ഡ് ജില്‍’, ജയരാജ് സംവിധാനം ചെയ്യുന്ന ബാക്ക് പാക്കേഴ്‌സ് എന്നിവയാണ് കാളിദാസിന്റെ പുറത്തിറങ്ങാനുള്ള ചിത്രങ്ങള്‍. മഹാരോഗത്തിനടിമപ്പെട്ട് മരണം കാത്തു കിടക്കുന്ന രോഗിയായാണ് ബാക്ക് പാക്കേഴ്‌സില് കാളിദാസ് അഭിനയിക്കുന്നത്.
