ഒരു വാഴപ്പഴത്തിന്റെ വില നമുക്കെല്ലാവര്‍ക്കുമറിയാം. സാധാരണഗതിയില്‍ വാഴപ്പഴത്തിന് ഒരു കിലോയുടെ വില നൂറില്‍ കുറവായിരിക്കും. എന്നാല്‍ ചണ്ഡിഗഡിലെ ഒരു ഹോട്ടലില്‍ നിന്ന് നടന്‍ രാഹുല്‍ ബോസ് രണ്ട് പഴം വാങ്ങിച്ചതിന്റെ വില കേട്ട് ഞെട്ടിയിരിക്കുകയാണ് ആരാധകര്‍. രണ്ട് വാഴപ്പഴത്തിന് 442.50 രൂപയാണ് ബില്‍.
You have to see this to believe it. Who said fruit wasn’t harmful to your existence? Ask the wonderful folks at @JWMarriottChd #goingbananas #howtogetfitandgobroke #potassiumforkings pic.twitter.com/SNJvecHvZB
— Rahul Bose (@RahulBose1) July 22, 2019
ചണ്ഡിഗഡിലെ ഒരു ഹോട്ടലിലെ ജിമ്മില്‍ വര്‍ക്ക് ഔട്ട് ചെയ്യുന്നതിനിടെയാണ് രണ്ട് വാഴപ്പഴത്തിന് രാഹുല്‍ ബോസ് ആവശ്യപ്പെട്ടത്. വര്‍ക്കൗട്ട് കഴിഞ്ഞ് മുറിയിലെത്തുമ്പോഴേക്കും പഴം എത്തി. ഒപ്പം ബില്ലും. ജിഎസ്ടി ഉള്‍പ്പടെ 442.50 രൂപയാണ് വിലയായി രേഖപ്പെടുത്തിയിരിക്കുന്നത്. ഇത് കണ്ടാണ് നടന്‍ അമ്പരന്നത്. ഇത് വിശ്വസിക്കാനാകുമോയെന്ന അടിക്കുറിപ്പോടെ രാഹുല്‍ ബോസ് തന്നെ വീഡിയോ സാമൂഹ്യമാധ്യമത്തിലൂടെ പുറത്തുവിടുകയും ചെയ്തു.
