ക്രിക്കറ്റ് ഇതിഹാസം സച്ചിന് തെന്‍ഡുല്‍ക്കറോടുള്ള ആരാധന മുന്‍പും തുറന്നു സമ്മതിച്ച മലയാളികളുടെ പ്രിയതാരമായ നിവിന് പോളി. ഇപ്പോഴിതാ ക്രിക്കറ്റ് ഇതിഹാസത്തിന് പിറന്നാള്‍ ആശംസകള്‍ അറിയിച്ചിരിക്കുകയാണ് താരം.
‘ഇതിഹാസത്തിന് ഒത്തിരി ഒത്തിരി സന്തോഷം നിറഞ്ഞ പിറന്നാളാശംസകള്‍. ഒരു തലമുറയുടെ തന്നെ പ്രചോദനമായതിന് നന്ദി. എല്ലാവിധ സന്തോഷവും വിജയവും നേരുന്നു. എക്കാലവും നിങ്ങളുടെ ആരാധകന്‍.’ സച്ചിനൊപ്പമുള്ള ഒരു ചിത്രം പങ്കുവെച്ച് കൊണ്ടാണ് നിവിന് ആശംസയെഴുതിയിരിക്കുന്നത്.
കേരള ഫുട്‌ബോള്‍ ക്ലബിന്റെ ടീമായ കേരളാ ബ്ലാസ്റ്റേഴ്‌സിന്റെ യൂത്ത് അംബാസിഡറായി വന്നപ്പോള്‍ അത് തന്റെ ജീവിതത്തിലെ ഏറ്റവും നല്ല നിമിഷമാണെന്നും അഭിമാനിക്കുന്നുവെന്നും നിവിന് പറഞ്ഞിരുന്നു. ടീമിന് നല്ല പിന്തുണയാണ് നിവിന് നല്‍കുന്നതെന്ന് ടീമുടമ കൂടിയായ സച്ചിനും അന്ന് പറഞ്ഞിരുന്നു. കേരളാ ബ്ലാസ്റ്റേഴ്‌സിന്റെ ജേഴ്‌സിയില്‍ നില്‍ക്കുന്ന ഫോട്ടോയാണ് നിവിന് പങ്കുവെച്ചിരിക്കുന്നത്.
ഇന്ത്യയുടെ വേള്‍ഡ് കപ്പ് വിജയം ആഘോഷിച്ച സിനിമയായ 1983-ലെ നായകനായിരുന്നു നിവിന് പോളി. അതു കാണാന്‍ ആഗ്രഹിക്കുന്നുവെന്ന് ഒരിക്കല്‍ സച്ചിന് ഒരു അഭിമുഖത്തില്‍ പറഞ്ഞിരുന്നു.
