മലയാളികളുടെ പ്രിയങ്കരിയായ നടിയാണ് അനുശ്രീ. സോഷ്യല്‍ മീഡിയയില്‍ സജീവമായ താരം പോസ്റ്റ് ചെയ്യുന്ന ചിത്രങ്ങള്‍ ആരാധകര്‍ ഏറ്റെടുക്കാറുമുണ്ട്. ഇപ്പോഴിതാ
താരം സോഷ്യല്‍ മീഡിയയില്‍ പങ്കുവച്ച ഒരു പോസ്റ്റാണ് വൈറലാവുന്നത്.
തന്റെ ആരാധകന്‍ തയ്യാറാക്കിയ ഒരു ഫോട്ടോ കൊളാഷാണ് താരം പങ്കുവച്ചിരിക്കുന്നത്.
വിവിധ അവസരങ്ങളിലായി അനുശ്രീ അണിഞ്ഞ വസ്ത്രങ്ങളോട് സാമ്യമുള്ള മിഠായികള്‍ കണ്ടെത്തിയിരിക്കുകയാണ് ഈ ആരാധകന്‍. അതില്‍ മാംഗോ ബൈറ്റ്, പോപ്പിന്‍സ്, എക്ലയേഴ്‌സ്, എന്നിവയും സ്ഥാനം പിടിക്കുന്നു.
ഈ ലോക്ക് ഡൗണ്‍ പിരീഡില്‍ എനിക്ക് വേണ്ടി സമയം കണ്ടെത്തി…ഇത്രയും ക്രിയേറ്റീവ് പിക്‌സ് ഉണ്ടാക്കി തന്ന എന്റെ കൊച്ചനുജന് ഒത്തിരി നന്ദി …എന്നെ ഒരുപാട് സ്‌നേഹിക്കുന്ന അനിയന്മാര്‍ക്കും അനിയത്തിമാര്‍ക്കും ഒരായിരം നന്ദി എന്നും ചിത്രങ്ങള്‍ പങ്കുവച്ചുകൊണ്ട് അനുശ്രീ ഫെയ്‌സ്ബുക്കില്‍ കുറിച്ചു.
താരപരിവേഷമില്ലാതെ നാടിനെയും നാട്ടുകാരെയും കാണുന്ന, ആരാധകരെ എന്നും ചേര്‍ത്തു നിര്‍ത്തുന്ന താരമാണ് അനുശ്രീ. ലോക്ക്ഡൗണ്‍ കാലത്ത് പത്തനാപുരത്തെ വീട്ടിലാണിപ്പോള്‍ താരം.
