മലയാളികളുടെ പ്രിയങ്കരിയായ നടിയാണ് അനുശ്രീ. സോഷ്യല്‍ മീഡിയയില്‍ സജീവമായ താരം പോസ്റ്റ് ചെയ്യുന്ന ചിത്രങ്ങള്‍ ആരാധകര്‍ ഏറ്റെടുക്കാറുമുണ്ട്. ഇപ്പോഴിതാ ലോക്ക് ഡൗണ്‍ സമയത്ത് താരം പങ്കുവച്ച ഒരു ഫോട്ടോഷൂട്ട് ചിത്രങ്ങളാണ് വൈറലാവുന്നത്. ചിത്രത്തോടൊപ്പം പങ്കുവച്ച ക്യാപ്ഷനാണ് ഫോട്ടോഷൂട്ടിന്റെ ഹൈലൈറ്റ്.
ലോക്ക്ഡൗണ്‍ സമയത്ത് വീട്ടുവളപ്പില്‍ ഒരു കമുകുഞ്ചേരി മോഡല്‍ ഫോട്ടോഷൂട്ട്. ഫോട്ടോ എടുത്തത് മഹേഷ് ഭായി, ലെമണ്‍ ജ്യൂസിന് കടപ്പാട് അമ്മ, മേല്‍നോട്ടം അച്ഛന്‍, ബാക്ക്ഗ്രൗണ്ടിലുള്ള വാഹനം സെറ്റ് ചെയ്തത് സഹോദരന്‍ അനൂപ്, അസിസ്റ്റന്റ് ചേട്ടത്തിയമ്മ, പിന്നണിയിലെ ചീത്ത വിളികള്‍ അമ്മൂമ്മ, സുരക്ഷാ മേല്‍നോട്ടം പട്ടിക്കുട്ടി ജൂലി…ഇതാണ് ഫോട്ടോയ്ക്ക് നല്‍കിയിരിക്കുന്ന അടിക്കുറിപ്പ്.
കഴിഞ്ഞ ദിവസം തന്റെ ആരാധകന്‍ തയ്യാറാക്കിയ രസകരമായ ഒരു ഫോട്ടോ കൊളാഷ് താരം പങ്കുവച്ചിരുന്നു. വിവിധ അവസരങ്ങളിലായി അനുശ്രീ അണിഞ്ഞ വസ്ത്രങ്ങളോട് സാമ്യമുള്ള മിഠായികള്‍ കണ്ടെത്തി ചെയ്ത കൊളാഷാണ് പങ്കുവെച്ചത്.
