കൊച്ചി: കൊച്ചിയില്‍ യുവ നടിയെ തട്ടിക്കൊണ്ട് പോയി ആക്രമിച്ച കേസിലെ മുഖ്യപ്രതി പള്‍സര്‍ സുനി കൊച്ചിയില്‍ നിന്ന് രക്ഷപ്പെടുന്നതിനും മുന്‍പ് ഒരാളെ കണ്ടിരുന്നു വെന്ന് സിസി ടിവി ദ്യശ്യങ്ങള്‍. മനോരമ ന്യൂസാണ് നിര്‍ണ്ണായകമായ ദ്യശ്യങ്ങള്‍ പുറത്തു വിട്ടത്.
മറ്റു പ്രതികളായ മണികണ്ഠനേയും വിജേഷിനും മാറ്റി നിര്‍ത്തിയായിരുന്നു ഈ കൂടിക്കാഴ്ച. ഇവര്‍ കൊച്ചി വിടും മുന്‍പ് കൊച്ചിയിലെ ഒരു പ്രമുഖ കേന്ദ്രത്തില്‍ വച്ച് പള്‍സര്‍ സുനി ഒരാളെ കണ്ടിരുന്നു.ഇതിനുശേഷമാണ് സുനി അമ്പലപ്പുഴയിലേക്ക് പോയത്. സുനി കണ്ടത് ആക്രമണത്തിന്റെ ആസൂത്രകനെയാണോയെന്ന സംശയം ബലപ്പെടുന്നു. സുനി കൂടിക്കാഴ്ച നടത്തിയതായി മണികണ്ഠനും മൊഴി നല്‍കി.
അതേസമയം, കൊച്ചിയില്‍ നടിയെ ആക്രമിച്ചത് ഒരു സ്ത്രീയുടെ ക്വട്ടേഷനാണെന്ന് അറസ്റ്റിലായ മണികണ്ഠന്‍ മൊഴി നല്‍കിയതായ വിവരവും പുറത്തായിട്ടുണ്ട്. അക്രമത്തിനിടെ പള്‍സര്‍ സുനി ഇക്കാര്യം പലതവണ നടിയോട് പറഞ്ഞിരുന്നതായും മണികണ്ഠന്‍ പൊലീസിനോട് വെളിപ്പെടുത്തിയതായാണ് സൂചന.
(മനോരമ ന്യൂസ് പുറത്തുവിട്ട സിസി ടിവി ദ്യശ്യം…)
(കടപ്പാട്: മനോരമ ന്യൂസ്)
