ഡെറാഡൂണ്‍: ഉത്തരാഖണ്ഡില്‍നിന്നുള്ള നടി ഹിമാനി ശിവ്പുരി ബിജെപിയില്‍ ചേര്‍ന്നു. സംസ്ഥാനത്ത് നിയമസഭാ തെരഞ്ഞെടുപ്പ് അടുത്തുവരികെയാണ് നടിയുടെ ബിജെപിയിലേക്കുള്ള ചുവടുമാറ്റം.
ബിജെപി സംസ്ഥാന പ്രസിഡന്റ് ജ്യോതി പ്രസാദ് ഗെയ്‌റോളയുടെ അധ്യക്ഷതയില്‍ പാര്‍ട്ടി ആസ്ഥാനത്തുനടന്ന ചടങ്ങില്‍ നടി ബിജെപി അംഗത്വം സ്വീകരിച്ചു.
പ്രധാനമന്ത്രി നരേന്ദ്ര മോദിയുടെ കാഴ്ചപ്പാടില്‍ ആകൃഷ്ടയായാണ് താന്‍ ബിജെപിയിലേക്ക് എത്തുന്നതെന്ന് ഹിമാനി അറിയിച്ചു. നിരവധി ബോളിവുഡ് സിനിമകളിലും ഹിന്ദി സീരിയലുകളിലും അഭിനയിച്ചിട്ടുള്ള നടിയാണ് ഹിമാനി ശിവ്പുരി.
