പുത്തന്‍ മേക്കോവറിലൂടെ ആരാധകരെ ഞെട്ടിച്ചിരിക്കുകയാണ് നടി ലെന. സിനിമയ്ക്ക് വേണ്ടി അല്ലാതെയാണ് ലെന തല മൊട്ടയടിച്ചിരിക്കുന്നത്. പളനിയിലെത്തി തലമുണ്ഡലം ചെയ്ത പുതിയ ചിത്രം സമൂഹമാധ്യമത്തിലൂടെയാണ് പ്രേക്ഷകര്‍ക്കായി നടി പങ്കുവച്ചത്.
പളനി മുരുകന്‍ ക്ഷേത്രം എന്ന തലക്കുറിപ്പോടെയാണ് തലമുണ്ഡനം ചെയ്ത് മഞ്ഞളുപുരട്ടി നില്‍ക്കുന്ന ചിത്രം പോസ്റ്റ് ചെയ്തിരിക്കുന്നത്. അനവധിപേര്‍ നടിയെ പ്രശംസിച്ചു. ചില ആരാധകര്‍ക്ക് സംശയം ഇത് സിനിമയ്ക്ക് വേണ്ടിയാണോ എന്നായിരുന്നു. ഒരു ആരാധകന് മറുപടിയായി ‘നിങ്ങള്‍ പളനിയെക്കുറിച്ച് കേട്ടിട്ടില്ലേ’ എന്ന് ലെന ചോദിക്കുകയും ചെയ്തു.
