തന്റെ ഒഫീഷ്യല്‍ ട്വീറ്റര്‍ അക്കൗണ്ട് ആരാധകരെ പരിചയപ്പെടുത്തി നടി മഞ്ജു വാര്യര്‍. ഇന്‍സ്റ്റഗ്രാം പോസ്റ്റ് വഴിയാണ് മഞ്ജു ഇക്കാര്യം അറിയിച്ചിരിക്കുന്നത്. ഇതുവരെയായി ഈ അക്കൗണ്ടില്‍ രണ്ടു ട്വീറ്റുകള്‍ താരം പോസ്റ്റ് ചെയ്തിട്ടുണ്ട്.
സമൂഹമാധ്യമങ്ങളില്‍ സജീവമാണ് മഞ്ജു. ഇന്‍സ്റ്റഗ്രാമിലൂടെയും ഫെയ്‌സ്ബുക്കിലൂടെയുമെല്ലാം തന്റെ വിശേഷങ്ങള്‍ ആരാധകരുമായി താരം പങ്കുവയ്ക്കാറുണ്ട്. ഇതിന്റെ ഭാഗമായാണ് ഒഫീഷ്യല്‍ ട്വീറ്റര്‍ അക്കൗണ്ടും താരം തുടങ്ങിയിരിക്കുന്നത്.
വെട്രിമാരന്റെ സംവിധാനത്തിലൊരുങ്ങുന്ന അസുരനാണ് മഞ്ജു വാര്യരുടെതായി ഉടന്‍ പുറത്തിറങ്ങുന്ന ചിത്രം. ധനുഷാണ് ചിത്രത്തിലെ നായകന്‍. ഒക്ടോബര്‍ 4ന് ചിത്രം തിയേറ്ററുകളിലെത്തും. സനല്‍കുമാര്‍ ശശിധരന്റെ കയറ്റം, റോഷന്‍ ആന്‍ഡ്രൂസ് ചിത്രം പ്രതി പൂവന്‍ കോഴി തുടങ്ങിയ ചിത്രങ്ങളും മഞ്ജുവിന്റേതായി അണിയറയില്‍ ഒരുങ്ങുന്നുണ്ട്.
