ചെന്നൈ: വ്യവസായികള്‍ പണം തട്ടിയെടുത്തെന്ന് പരാതിയുമായി തെന്നിന്ത്യന്‍ താരം സ്‌നേഹ. 26 ലക്ഷം തട്ടിയെടുത്തെന്നാരോപിച്ച് രണ്ട് വ്യവസായികള്‍ക്കെതിരെയാണ് സ്‌നേഹ പൊലീസില്‍ പരാതി നല്‍കിയിരിക്കുന്നത്.
ചെന്നൈ കാനാതൂര്‍ പൊലീസ് സ്റ്റേഷനിലാണ് നടി പരാതി നല്‍കിയത്. എക്‌സ്‌പോര്‍ട്ട് കമ്പനിയില്‍ പണം നിക്ഷേപിച്ചാല്‍ ലാഭവിഹിതം നല്‍കാമെന്ന് വാഗ്ദാനം നല്‍കി ഇവര്‍ കബളിപ്പിച്ചതായാണ് പരാതിയില്‍ പറയുന്നത്.
ഇതു വരെ അവര്‍ വാക്കുപാലിച്ചില്ലെന്ന് പറഞ്ഞ താരം പണം തിരികെ ചോദിച്ചപ്പോള്‍ നിരസിക്കുക മാത്രമല്ല ഭീഷണിപ്പെടുത്തിയതായും പറയുന്നു. സ്‌നേഹയുടെ പരാതി സ്വീകരിച്ച പൊലീസ് അന്വേഷണം ആരംഭിച്ചിട്ടുണ്ട്.
ധനുഷിന്റെ പട്ടാസ് എന്ന ചിത്രത്തിലാണ് സ്‌നേഹ അവസാനമായി അഭിനയിച്ചത്. വെങ്കട്ട് പ്രഭു നായകനായ ഷോട്ട് ഭൂട്ട് 3 എന്ന കുട്ടികളുടെ ചിത്രത്തിലാണ് താരം ഇപ്പോള്‍ അഭിനയിച്ചുകൊണ്ടിരിക്കുന്നത്.
