ടോക്യോ: ഒളിമ്പിക്സ് വനിത ഗോള്‍ഫില്‍ ഇന്ത്യക്ക് മെഡല്‍ പ്രതീക്ഷയുമായി അതിഥി അശോക്. വനിതകളുടെ വ്യക്തിഗത സ്‌ട്രോക്ക് പ്ലേ മൂന്നാം റൗണ്ട് അവസാനിച്ചപ്പോള്‍ രണ്ടാം സ്ഥാനത്താണ് അതിഥി.
ശനിയാഴ്ച നാലാം റൗണ്ട് മത്സരം മാത്രം ബാക്കി നില്‍ക്കെ ഒളിമ്പിക് ഗോള്‍ഫില്‍ ചരിത്രത്തിലാദ്യമായി മെഡല്‍ നേടുന്ന ഇന്ത്യന്‍ താരം എന്ന റെക്കോഡാണ് അതിഥിയെ കാത്തിരിക്കുന്നത്. ലക്ഷ്യം പിഴക്കാതെയുള്ള അതിഥിയുടെ ഷോട്ടുകള്‍ ഒളിമ്പിക്സിലെ ഇന്ത്യയുടെ ആദ്യ മെഡലെന്ന ചരിത്ര മുഹൂര്‍ത്തത്തിലെത്തിക്കുമോ എന്ന കാത്തിരിപ്പിലാണ് കായിക പ്രേമികള്‍.
ഒന്നാമതുള്ള അമേരിക്കയുടെ നെല്ലി കോര്‍ഡയേക്കാള്‍ മൂന്ന് സ്‌ട്രോക്ക് പിന്നിലാണ് അതിഥി. ന്യൂസിലാന്‍ഡിന്റെ ലിഡിയോ കോ, ഓസ്ട്രേലിയയുടെ ഹന്നാ ഗ്രീന്‍, ഡെന്‍മാര്‍ക്കിന്റെ എമിലി ക്രിസ്റ്റൈന്‍ എന്നിവരാണ് അതിഥിക്ക് പിന്നിലുള്ളത്.
