മണിരത്‌നം ചിത്രം ഓ കെ കണ്‍മണി ഹിന്ദി റീമേക്കിന് ഒരുങ്ങുന്നു. സംവിധായകന്‍ മണിരത്‌നം തന്നെയാണ് ഇത് വെളിപ്പെടുത്തിയത്. ആഷിഖി 2 എന്ന ചിത്രത്തിലെ ഹിറ്റ് ജോടിയായ ആദിത്യ റോയ് കപൂറും ശ്രദ്ധാ കപൂറുമാണ് ദുല്‍ഖര്‍ സല്‍മാനും നിത്യ മേനോനും അവതരിപ്പിച്ച വേഷങ്ങള്‍ ഹിന്ദിയില്‍ കൈകാര്യം ചെയ്യുന്നത്. മണിരത്‌നത്തിന്റെ അസോസിയേറ്റായിരുന്ന സംവിധായകന്‍ ഷാദ് അലിയാണ് ഹിന്ദി ചിത്രം ഒരുക്കുന്നത്.
ഷാദ് അലി തന്നെയാണ് മണി രത്‌നത്തിന്റെ മറ്റൊരു സൂപ്പര്‍ഹിറ്റായ അലൈപായുതെയുടെ ഹിന്ദി റീമേക്കും സംവിധാനം ചെയ്തത്. ഓ കെ കണ്‍മണിയിലെ സൂപ്പര്‍ഹിറ്റ് ഗാനങ്ങള്‍ ഒരുക്കിയ എ.ആര്‍.റഹ് മാന്‍ തന്നെയാണ് ഹിന്ദി പതിപ്പിലും സംഗീതം നിര്‍വഹിക്കുന്നത്. ഓ കെ കണ്‍മണിയുടെ മറ്റൊരു സവിശേഷത പി.സി.ശ്രീറാമിന്റെ മനോഹരമായ ഫ്രെയിമുകളായിരുന്നു. അതുകൊണ്ടുതന്നെ പി .സി ശ്രീറാം തന്നെയാണ് ഹിന്ദിയിലും കാമറ ചലിപ്പിക്കുന്നത്.
