പ്രശസ്ത അഡല്‍ട്ട് ചിത്രതാരവും മോഡലുമായ കാഗ്‌നി ലിന്‍ കാര്‍ട്ടറിനെ (36) മരിച്ചനിലയില്‍ കണ്ടെത്തി. കഴിഞ്ഞ വ്യാഴാഴ്ചയാണ് ഒഹായോയിലെ അപ്പാര്‍ട്ട്‌മെന്റില്‍ താരത്തെ മരിച്ച നിലയില്‍ കണ്ടെത്തിയത്. മാനസിക പ്രശ്‌നങ്ങളെത്തുടര്‍ന്നാണ് താരം ജീവനൊടുക്കിയത് എന്നാണ് പ്രാഥമിക നിഗമനം.
കാഗ്‌നിയുടെ സംസ്‌കാരച്ചടങ്ങുകള്‍ക്കായി കുടുംബത്തിന് ധനസഹായം നല്‍കുന്നതിന് സുഹൃത്തുക്കള്‍ ചേര്‍ന്ന് ഒരു വെബ് പേജ് തുടങ്ങിയിട്ടുണ്ട്. ഗായിക, ഡാന്‍സര്‍, മകള്‍, സുഹൃത്ത് തുടങ്ങി ജീവിതത്തില്‍ ഒട്ടനവധി വേഷങ്ങള്‍ കൈകാര്യം ചെയ്തിട്ടുള്ള വ്യക്തിയാണ് അവര്‍. 2019 നവംബറിലാണ് കാഗ്‌നി ക്ലീവ്‌ലന്‍ഡിലെ തങ്ങളുടെ സ്റ്റുഡിയോയിലേക്ക് ആദ്യമായി വന്നതെന്ന് സുഹൃത്തുക്കള്‍ ഓര്‍ക്കുന്നു.
നിരവധി കഴിവുകള്‍ ഉണ്ടായിരുന്നിട്ടും, വര്‍ഷങ്ങള്‍ കടന്നുപോകുമ്പോള്‍ കാഗ്‌നി മാനസികാരോഗ്യ പ്രശ്നങ്ങളുമായി മല്ലിടുകയായിരുന്നു. ആ ദിവസങ്ങളിലും അവര്‍ പഠിക്കാനും സംഭാവന ചെയ്യാനും സ്വയം മെച്ചപ്പെടുത്താനും ശ്രമിച്ചിരുന്നുവെന്നുമാണ് സുഹൃത്തുക്കള്‍ പറയുന്നത്.
