ക്വലാലംപുര്‍: കോവിഡ്-19 രോഗവ്യാപനം രൂക്ഷമായതിനെ തുടര്‍ന്ന് ഈ വര്‍ഷത്തെ എ.എഫ്.സി കപ്പ് റദ്ദാക്കിയതായി ഏഷ്യന്‍ ഫുട്‌ബോള്‍ കോണ്‍ഫെഡറേഷന്‍ അറിയിച്ചു. ഏഷ്യയിലെ രണ്ടാം നിര ക്ലബ്ബ് പോരാട്ടമാണ് എ.എഫ്.സി കപ്പ്.്യാഴാഴ്ച പുറത്തിറക്കിയ പ്രസ്താവനയിലാണ് എ.എഫ്.സി കപ്പ് റദ്ദാക്കിയതായി അധികൃതര്‍ അറിയിച്ചത്.
കോവിഡിനെ തുടര്‍ന്ന് മാര്‍ച്ചില്‍ നടക്കേണ്ടിയിരുന്ന ടൂര്‍ണമെന്റ് മാറ്റിവെയ്ക്കുകയായിരുന്നു. സെപ്റ്റംബറിലേക്ക് മാറ്റിവെച്ച ടൂര്‍ണമെന്റ് രോഗവ്യാപനം കാരണം ഇപ്പോള്‍ റദ്ദാക്കുകയാണ്.
അതേസമയം മാര്‍ച്ചില്‍ നടക്കേണ്ടിയിരുന്ന ഏഷ്യയിലെ പ്രധാന ഫുട്‌ബോള്‍ പോരാട്ടമായ എ.എഫ്.സി ചാമ്പ്യന്‍സ് ലീഗും മാറ്റിവെച്ചിരുന്നു. ഈ ടൂര്‍ണമെന്റ് സെപ്റ്റംബര്‍ 14-ന് ഖത്തറില്‍ നടക്കും.
