ഐസിസി വോള്‍ഡ് കപ്പ് ക്രിക്കറ്റ് ഏകദിന മത്സരത്തില്‍ ഓസ്‌ട്രേലിയക്ക് വിജയത്തുടക്കം. മത്സരത്തില്‍ ആദ്യം ബാറ്റ് ചെയ്ത അഫ്ഗാനിസ്ഥാന് 207 റണ്‍സിന് പുറത്തായപ്പോള്‍, ഓസ്‌ട്രേലിയ വെറും 34.5 ഓവറുകളില്‍ 3 വിക്കറ്റുകള്‍ മാത്രം നഷ്ടപ്പെടുത്തി വിജയം കണ്ടു. 89 റണ്‍സെടുത്ത് പുറത്താകാതെ നിന്ന ഡേവിഡ് വാര്‍ണറാണ് ഓസീസിനെ നയിച്ചത്.
മത്സരത്തില്‍ ബാറ്റിംഗ് തിരഞ്ഞെടുത്ത അഫ്ഗാനിസ്ഥാന് തുടക്കം തന്നെ പിഴവുകളായിരുന്നു. ഓപ്പണര്‍മാരായ ഷഹ്‌സാദും, സസായും റണ്ണൊന്നുമെടുക്കാതെ പുറത്തായി. ഒരു ഘട്ടത്തില്‍ 77/5 എന്ന സ്‌കോറിലേക്ക് വീണ അഫ്ഗാനെ പൊരുതാവുന്ന സ്‌കോറിലെത്തിച്ചത് റഹ്മത് ഷാ (43 റണ്‍സ്), നജീബുള്ള സദ്രാന്‍ (51 റണ്‍സ്), ഗുലാബ്ദിന്‍ നയിബ് (31 റണ്‍സ്), റാഷിദ് ഖാന്‍ (27 റണ്‍സ്) എന്നിവരുടെ ബാറ്റിംഗാണ്. ഓസ്‌ട്രേലിയക്ക് വേണ്ടി പാറ്റ് കമ്മിന്‍സും, ആദം സാമ്പയും മൂന്ന് വിക്കറ്റുകള്‍ വീതം വീഴ്ത്തി.
വിജയലക്ഷ്യം പിന്തുടര്‍ന്ന ഓസീസിന് വെടിക്കെട്ട് തുടക്കമാണ് ലഭിച്ചത്. 49 പന്തില്‍ 6 ബൗണ്ടറികളും, 4 സിക്‌സറുകളുമടക്കം 66 റണ്‍സെടുത്ത നായകന്‍ ആരോണ്‍ ഫിഞ്ചായിരുന്നു ടീമിന് നല്ല തുടക്കം നല്‍കിയത്.
