ചെറിയൊരു ഇടവേളയ്ക്കു ശേഷം മലയാളിയുടെ പ്രിയ താരം ശ്രീനിവാസന്‍ വീണ്ടും തിരക്കഥാ ലോകത്ത് തിരക്കിലാകാന്‍ ഒരുങ്ങുകയാണ്.
ശ്രീനിവാസന്‍ ഇപ്പോള്‍ സത്യന്‍ അന്തിക്കാടിനു വേണ്ടിയുള്ള തിരക്കഥാ രചനയിലാണ്.
ഇത് പൂര്‍ത്തിയായതിന് ശേഷം ഉടന്‍ തന്നെ പുതുമുഖ സംവിധായകനു വേണ്ടി താരം പേനയെടുക്കും.
പ്രമുഖ പരസ്യ സംവിധായകനായ വി.ജെ. സാജനു വേണ്ടിയിട്ടായിരിക്കുമിത്.
കുടുംബബന്ധങ്ങളെ പശ്ചാത്തലമാക്കിയുള്ള ചിത്രമായിരിക്കും ഇതെന്നാണ് റിപ്പോര്‍ട്ട്.
അടുത്ത വര്‍ഷം പകുതിയോടെ സിനിമ തിയേറ്ററുകളിലെത്തിക്കാന്‍ കഴിയും വിധമായിരിക്കും ചിത്രീകരണം പൂര്‍ത്തിയാക്കുക.
ഈ സിനിമയില്‍ ഒരു സുപ്രധാന റോളില്‍ ശ്രീനിവാസനും അഭിനയിക്കും.
ചിത്രത്തിലെ പ്രധാന കഥാപാത്രങ്ങളായ മൂന്ന് യുവതാരങ്ങളുടെയും മറ്റ് അഭിനേതാക്കളുടെയും താരനിര്‍ണയം പൂര്‍ത്തിയായി വരികയാണ്.
