ന്യൂഡല്‍ഹി: സര്‍ക്കാര്‍ തീരുമാനം വരുന്നത് വരെ വിമാന കമ്പനികള്‍ ബുക്കിംഗ് തുടങ്ങരുതെന്ന് വ്യോമയാന മന്ത്രിയുടെ നിര്‍ദേശം. മെയ് നാല് മുതല്‍ ആഭ്യന്തര സര്‍വ്വീസ് തുടങ്ങുമെന്ന് എയര്‍ ഇന്ത്യ അറിയിച്ചതിന് പിന്നാലെയാണ് വ്യോമയാന മന്ത്രാലയത്തിന്റെ വിശദീകരണം.
കൊവിഡ് പശ്ചാത്തലത്തില്‍ നിര്‍ത്തിവച്ച ആഭ്യന്തര സര്‍വ്വീസ് മേയ് 4 മുതലും രാജ്യാന്തര സര്‍വ്വീസ് ജൂണ്‍ ഒന്ന് മുതലും ആരംഭിക്കുമെന്നായിരുന്നു എയര്‍ ഇന്ത്യ അറിയിച്ചത്. ലോകമാകെ തുടരുന്ന ആരോഗ്യരംഗത്തെ പ്രശ്‌നങ്ങള്‍ മൂലം മേയ് മൂന്ന് വരെയുള്ള ആഭ്യന്തര സര്‍വ്വീസുകളുടെയും മേയ് 31 വരെയുള്ള രാജ്യാന്തര സര്‍വ്വീസുകളുടെയും ബുക്കിംഗ് സ്വീകരിക്കുന്നതല്ലെന്നും എയര്‍ ഇന്ത്യ അറിയിച്ചിരുന്നു.
