ന്യൂഡല്‍ഹി : പുതിയ ടിക്കറ്റ് നിരക്ക് അവതരിപ്പിച്ച് എയര്‍ ഏഷ്യ. 99 രൂപയുടെ കുറഞ്ഞ നിരക്കിലുള്ള ഓഫറാണ് കമ്പനി നൽകുന്നത്. ആഭ്യന്തര റൂട്ടുകളിലാണ് എയര്‍ ഏഷ്യ ഈ നിരക്കില്‍ ടിക്കറ്റുകള്‍ ലഭ്യമാക്കുന്നത്. ബെംഗളൂരു , ഹൈദരാബാദ്, കൊച്ചി, കൊല്‍ക്കത്ത, ന്യൂഡല്‍ഹി എന്നിവടങ്ങളില്‍ നിന്നുള്ള വിമാന സര്‍വീസുകള്‍ക്കാണ് പ്രത്യേക കിഴിവ്.
പുതിയ ഓഫർ പ്രകാരം തിങ്കളാഴ്ച മുതല്‍ ടിക്കറ്റുകള്‍ ബുക്ക് ചെയ്യാം. ജനുവരി 21 ആണ് ടിക്കറ്റുകള്‍ ബുക്ക് ചെയ്യാനുള്ള അവസാന തീയതി. ജനുവരി 15 മുതല്‍ ജൂലൈ 31 വരെയാണ് യാത്രപരിധി. എയര്‍ ഏഷ്യയുടെ വെബ്സൈറ്റ് വഴിയും ആപ് വഴിയും ബുക്ക് ചെയ്യുന്ന ടിക്കറ്റുകള്‍ക്കാണ് ഒാഫര്‍ ലഭ്യമാവുക.
കൂടാതെ എയര്‍ ഏഷ്യ അക്ക്ലാന്‍ഡ്, ബാലി, ബാങ്ക്കോക്ക്, കോലാലംപൂര്‍, മെല്‍ബണ്‍, സിംഗപ്പുര്‍ തുടങ്ങിയ വിദേശ നഗരങ്ങളിലേയ്ക്കും റഞ്ഞ ചെലവില്‍ ടിക്കറ്റുകള്‍ നല്‍കുന്നുണ്ട്.
