ന്യൂഡല്ഹി: ഡല്ഹി അന്താരാഷ്ട്ര വിമാനത്താവളത്തില് ദുബായില് നിന്നെത്തിയ ജെറ്റ് എയര്വെയ്സ് വിമാനത്തിന്റെ ചിറക് കാറ്ററിങ് ട്രക്കില് ഇടിച്ചു. 125 യാത്രക്കാരും എട്ട് ജീവനക്കാരുമുള്പ്പെടെ 133 പേരുമായെത്തിയ വിമാനം തലനാരിഴയ്ക്കാണ് അപകടത്തില് നിന്നും രക്ഷപ്പെട്ടത്.
റണ്വേയില് ഇറങ്ങിയ വിമാനം മൂന്നാം ടെര്മിനലിലെ പാര്ക്കിങ് ബേയിലേക്ക് കൊണ്ടുവരുന്നതിനിടയിലായിരുന്നു താജ്സ്റ്റാസ് എയര് കാറ്ററിങ് കമ്പനിയുടെ ട്രക്കില് ഇടിച്ചത്. അപകടമുണ്ടായ ഉടന് വിമാനത്തിലുണ്ടായിരുന്നവരെ സുരക്ഷിതമായി പുറത്തിറക്കി.
വിമാനം സാങ്കേതിക വിഭാഗം പരിശോധിച്ചു വരികയാണ്. അപകടത്തെക്കുറിച്ച് വിശദമായ അന്വേഷണം നടത്തിയ ശേഷം അധികൃതര്ക്ക് റിപ്പോര്ട്ട് സമര്പ്പിക്കുമെന്ന് ജെറ്റ് എയര്വെയ്സ് അറിയിച്ചു.