കൊച്ചി: വിമാനത്താവളങ്ങളില്‍ ബാഗേജ് മോഷണം പോകുന്ന സംഭവങ്ങള്‍ തുടരുന്ന സാഹചര്യത്തില്‍ പരാതികളില്‍ അന്വേഷണം ഫലപ്രദമായി നടക്കുന്നില്ലെന്ന് ആരോപണവുമായി പ്രവാസികള്‍. മരുഭൂമിയിലെ അധ്വാനത്തിന്റെ ശേഷിപ്പുകള്‍ മോഷ്ടിച്ചെടുക്കുന്നവര്‍ക്ക് നേരെ അധികൃതര്‍ കണ്ണടക്കരുതെന്നും അവര്‍ പറഞ്ഞു.
ബാഗേജ് മോഷണം പോയത് അടക്കമുള്ള പ്രശ്‌നങ്ങളില്‍ തങ്ങളുടെ പരാതികള്‍ അവഗണിക്കപ്പെടുകയാണെന്നത് പ്രവാസികളെ വലയ്ക്കുന്ന പ്രശ്‌നമാണ്. യാത്രക്കാരന്റെ മൗലികമായ അവകാശങ്ങള്‍ പോലും ലംഘിക്കപ്പെടുന്ന സാഹചര്യം ഒഴിവാക്കുവാന്‍ പരാതികള്‍ പരിഹരിക്കണമെന്നാണ് പ്രവാസികള്‍ വ്യക്തമാക്കുന്നത്.
