രാജ്യത്തെ മുന്‍നിര ടെലികോം സേവനദാതാക്കളായ ഭാരതി എയര്‍ടെല്‍ ഇന്ത്യന്‍ വിപണിയില്‍ പുതിയ പ്രീപെയ്ഡ് പ്ലാന്‍ അവതരിപ്പിച്ചു. 289 രൂപയുടെ പ്ലാനാണ് കമ്പനി അവതരിപ്പിച്ചിരിക്കുന്നത്.
അണ്‍ലിമിറ്റഡ് ലോക്കല്‍/ എസ്റ്റിഡി/ റോമിംഗ് കോളുകള്‍, പ്രതി ദിനം 100 എസ്എംഎസ്, 1ജിബി 2ജി/3ജി/4ജി ഡേറ്റ എന്നിവ ലഭിക്കുന്നു. 48 ദിവസം വാലിഡിറ്റിയുളള ഈ പ്ലാന്‍ രാജ്യത്തെ എല്ലാ എയര്‍ടെല്‍ ഉപയോക്താക്കള്‍ക്കും ലഭ്യമാണ്. എന്നാല്‍ വോയിസ് കോളില്‍ പ്രതി ദിനം 250 മിനിറ്റും പ്രതിവാരം 1000 മിനിറ്റുമാണ് സൗജന്യമായി നല്‍കുന്നത്.
എയര്‍ടെല്ലിന്റെ ഈ പ്ലാന്‍ ഐഡിയ സെല്ലുലാറിന്റെ 295 രൂപ പ്ലാനിനെയാണ് ലക്ഷ്യമിട്ടിരിക്കുന്നത്. ഈ പ്ലാനില്‍ മൊത്തത്തില്‍ 5ജിബി ഡേറ്റയും 42 ദിവസത്തെ വാലിഡിറ്റിയുമാണ്.
