ജിയോയുടെ ഓഫറുകള്‍ക്കു വെല്ലുവിളിയുമായി എയര്‍ടെല്ലിന്റെ പുതിയ ഓഫര്‍.
3,999 രൂപയ്ക്ക് 300 ജിബി ഡാറ്റ നല്‍കുന്ന പുതിയ ഓഫറാണ് എയര്‍ടെല്‍ അവതരിപ്പിച്ചിരിക്കുന്നത്.
കൂടാതെ പരിധിയില്ലാത്ത ലോക്കല്‍ എസ്ടിഡി കോളുകള്‍, ദിവസേന നൂറ് എസ്എംഎസ് എന്നിവ 360 ദിവസത്തെ കാലയളവില്‍ ഉപഭോക്താക്കള്‍ക്കു ലഭിക്കും.
റിലയന്‍സ് ജിയോയുടെ 4,999 രൂപയുടെ പ്ലാനിന് വെല്ലുവിളിയാണ് എയര്‍ടെലിന്റെ പുതിയ ഓഫര്‍.
360 ദിവസത്തേക്ക് 350 ജിബി ഡാറ്റയും എസ്എംഎസും പരിധിയില്ലാത്ത വോയ്‌സ്‌കോളും ആണ് 4,999 രൂപയുടെ പ്ലാനിനൊപ്പം ജിയോ നല്‍കുന്നത്.
എയര്‍ടെല്ലിന്റെ പുതിയ ഓഫറിന് ദിവസേനയുള്ള ഉപയോഗ പരിധിയുണ്ടാവില്ല കൂടാതെ ദിവസം കൂടുതല്‍ ഡാറ്റ ഉപയോഗിച്ചെന്ന് കരുതി ഡാറ്റാ വേഗത കുറയുമെന്നും ഭയപ്പെടേണ്ട.
360 ദിവസത്തെ കാലാവധിയ്ക്കുള്ളില്‍ 300 ജിബി ഡാറ്റ തീര്‍ന്നാല്‍ ഡാറ്റാ വേഗതയില്‍ കുറവുണ്ടാകും.
