ജീവിതത്തിന്റെ നാനാതുറകളിലുള്ള ആളുകൾക്ക് കോറോണയും അതിനെ തുടർന്ന് വന്ന ലോക്ക്ഡൗണുമെല്ലാം വലിയ തിരിച്ചടിയും, കഠിനമായ അവസ്ഥാന്തരങ്ങളുമാണ് സമ്മാനിച്ചത്. എന്നിരുന്നാലും ആളുകളുടെ ഹോബികൾ വികസിപ്പിക്കുന്നതിനും അല്ലെങ്കിൽ തങ്ങളുടെ പ്രിയപ്പെട്ട അഭിനിവേശങ്ങളിൽ ഏർപ്പെടുന്നതിനുമെല്ലാം ഈ അപ്രതീക്ഷിത ഒഴിവ് സമയം വിനിയോഗിച്ച ധാരാളം പേരുണ്ട്.
ഇപ്പോൾ അത്തരത്തിൽ ഒരു ഹോബി വളർത്തിയെടുത്തിരിക്കുകയാണ് തെന്നിന്ത്യൻ താരരാജാവ് തല അജിത്ത്. റേസിംഗ്, ബൈക്കിങ്, ഫോട്ടോഗ്രഫി, റൈഫിൾ ഷൂട്ടിംഗ്, എയറോ മോഡലിംഗ്, പാചകം എന്നിവയിൽ താല്പര്യമുള്ള തല പൂന്തോട്ട പരിപാലനത്തിനാണ് സമയം ചിലവഴിച്ചിരിക്കുന്നത്. തന്റെ വീട്ടുമുറ്റം ഒരു പൂന്തോട്ടമാക്കി മാറ്റിയതും, അതിൽ എഴുപത്തി അഞ്ചിൽ പരം പുഷ്പങ്ങൾ നാട്ടുവളർത്തുന്നു എന്നും ഒപ്പം സസ്യങ്ങളെ പരിപാലിക്കുന്നു എന്നതുമാണ് പുത്തൻ ചെന്നൈ വാർത്ത.
