തെന്നിന്ത്യന്‍ സൂപ്പര്‍താരം അജിത്തിന്റെ പുതിയ ത്രില്ലർ ചിത്രമായ വിവേകം കേരളത്തിലും വമ്പൻ റിലീസിനൊരുങ്ങുന്നു.
ഈ മാസം 24ന് തിയറ്ററുകളിലേക്ക് എത്തുന്ന ചിത്രം നിർമാതാവ് ടോമിച്ചൻ മുളകുപാടമാണ് കേരളത്തില്‍ പ്രദര്‍ശനത്തിന് എത്തിക്കുന്നത്.
സംസ്ഥാനത്തെ 300ഓളം സ്ക്രീനുകളിൽ ചിത്രം റിലീസ് ചെയ്യാനാണ് തീരുമാനിച്ചിരിക്കുന്നത്.
വമ്പന്‍ തിരക്ക് പ്രതീക്ഷിച്ച് ഇന്ന് മുതല്‍ അഡ്വാന്‍സ് ബുക്കിങ് ആരംഭിക്കും.
ചിത്രത്തിന്റെ ട്രെയിലറിനും ഗാനങ്ങൾക്കും മികച്ച പ്രതികരണമാണ് ആരാധകരിൽ നിന്ന് ലഭിച്ചത്.
കേരളത്തിൽ ചിത്രം മികച്ച വിജയമാകുമെന്ന പ്രതീക്ഷയിലാണ് ടോമിച്ചൻ മുളകുപാടം.
‘വീര’ത്തിനും ‘വേതാള’ത്തിനും ശേഷം ശിവ സംവിധാനം ചെയ്യുന്ന ആക്ഷന്‍ ത്രില്ലറാണ് വിവേകം.
ഇന്‍റര്‍പോള്‍ ഓഫീസറായി അജിത്ത് വേഷമിടുന്ന ചിത്രത്തില്‍ കാജല്‍ അഗര്‍വാളാണ് നായിക.
ബോളിവുഡ് താരം വിവേക് ഒബ്റോയിയാണ് വില്ലനായെത്തുന്നത്. അജിത്തിന്റെ 57-ാമത്‌ ചിത്രമാണ് വിവേകം.
