ആരെയും ചിരിപ്പിക്കുന്ന പ്രേമം സിനിമയിലെ ഗിരിരാജന്‍ കോഴിയില്‍നിന്ന് ആരും വെറുക്കുന്ന വരത്തനിലെ ജോസി എന്ന വില്ലനിലേക്കുള്ള മാറ്റം ഷറഫുദ്ദീന്‍ എന്ന നടന്റെ കരിയറിന്റെ വളര്‍ച്ചയാണ്. ഇപ്പോള്‍ താരം നായകനാകാനും ഒരുങ്ങുകയാണ്.
എ കെ സാജന്‍ സംവിധാനം ചെയ്യുന്ന പുതിയ ചിത്രത്തിലാണ് ഷറഫുദ്ദീന്‍ നായകനായെത്തുന്നത്. ത്രികോണ പ്രണയകഥയായി ഒരുങ്ങുന്ന ചിത്രത്തില്‍ സിജു വില്‍സണും നായകനാണ്. അനു സിതാരയാണ് ചിത്രത്തില്‍ നായിക വേഷത്തിലെത്തുന്നത്. സിനമയുടെ ചിത്രീകരണം കോഴിക്കോട് ആരംഭിച്ചു. കോക്കേര്‍സ് ഫിലിംസിന്റെ ബാനറില്‍ സിയാദ് കോക്കറാണ് നിര്‍മിക്കുന്നത്. ക്രൈം ത്രില്ലര്‍ ചിത്രങ്ങളിലൂടെ ശ്രദ്ധേയനായ എ കെ സാജന്‍ ഒരുക്കുന്ന ആദ്യ ഫണ്‍ മൂവിയാണ് ഇത്.
