ജൂലായ് 28ന് പിറന്നാളാഘോഷിക്കുന്ന നടന്‍ ദുല്‍ഖര്‍ സല്മാന് സര്‍പ്രൈസ് ഗിഫ്റ്റുമായി ബോളിവുഡ്. ദുല്‍ഖറിന്റെ ബോളിവുഡ് അരങ്ങേറ്റ ചിത്രം കര്‍വാനിന്റെ സംവിധായകന്‍ ആകര്‍ഷ് ഖുറാനയാണ് പിറന്നാള്‍ സമ്മാനം നല്‍കിയത്. ചിത്രത്തിലുടനീളം കാണിക്കുന്ന നീല വാനാണ് ആകര്‍ഷ് ദുല്‍ഖറിന് സമ്മാനമായി നല്‍കിയത്.
ഈ വാന്‍ ദുല്‍ഖറിനു സമ്മാനിക്കാന്‍ രണ്ടു കാരണങ്ങളുണ്ട്. ഒന്ന്, ഈ സിനിമയിലെ പ്രധാന കഥാപാത്രമാണ് ഈ വാന്‍. ഇതിലാണ് ദുല്‍ഖര്‍ കൂടുതല്‍ സമയവും ചിലവഴിച്ചത്. മറ്റൊന്ന്, വാഹനങ്ങളോടുള്ള ദുല്‍ഖറിന്റെ ഇഷ്ടമാണ്. ഇത് കൂടി ചിന്തിച്ചാണ് ദുല്‍ഖറിന് വാന്‍ നല്‍കാന്‍ തീരുമാനിച്ചതെന്നും ആകര്‍ഷ് ഖുറാന പറഞ്ഞു. ദുല്‍ഖറിനൊപ്പം ഇര്‍ഫാന്‍ ഖാനും മിഥിലാ പാല്‍ക്കറുമാണ് അഭിനയിക്കുന്നത്.
