അക്ഷയ് കുമാറിനെ നായകനാക്കി രോഹിത് ഷെട്ടി ഒരുക്കുന്ന ഏറ്റവും പുതിയ ചിത്രമാണ് സൂര്യവന്‍ഷി. ചിത്രത്തില്‍ നായികയായി കത്രീന കൈഫ് എത്തുമെന്നാണ് പുതിയ റിപ്പോര്‍ട്ട്. അക്ഷയ ഒരു പൊലീസ് ഉദ്യോഗസ്ഥന്റെ വേഷത്തിലെത്തുന്ന ചിത്രം കരണ്‍ ജോഹറും, രോഹിത് ഷെട്ടിയും ചേര്‍ന്നാണ് നിര്‍മിക്കുന്നത്.
ആദ്യം ചിത്രത്തില്‍ നായികയായി ജാക്വിലിന്‍ ഫെര്‍ണാണ്ടസ് എത്തുമെന്നാണ് അറിയിച്ചിരുന്നത്. രോഹിത് ഷെട്ടിയുടെ അവസാനം ഇറങ്ങിയ ചിത്രം സിംബ ആയിരുന്നു. ചിത്രം വന്‍ വിജയമാണ് ബോക്‌സ് ഓഫീസില്‍ നേടിയത്. രോഹിത് ഷെട്ടിയുടെ പൊലീസ് സിനിമകളിലെ നാലാമത്തെ ചിത്രമാണിത്.
