ബോളിവുഡ് താരസുന്ദരി ഐശ്വര്യ റായിക്കൊപ്പം അഭിനയിക്കുവാന്‍ ഒരു അവസരം കിട്ടിയാല്‍ അത് വേണ്ടെന്ന് വയ്ക്കുന്നവര്‍ ബോളിവുഡില്‍ നിന്നല്ല സിനിമാ ലോകത്തു തന്നെ ഉണ്ടാകുമോ എന്നത് സംശയമാണ്.
എന്നാല്‍ അത്തരത്തിലൊരു വാര്‍ത്തയാണ് ഇപ്പോള്‍ ബോളിവുഡില്‍ നിന്നും ഉയര്‍ന്ന് വരുന്നത്.
ആഷിനൊപ്പം അഭിനയിക്കുന്നതില്‍ നിന്നും പിന്‍മാറിയതായി പറയുന്ന താരം ബോളിവുഡില്‍ കുറച്ച് ചിത്രങ്ങള്‍ മാത്രം ചെയ്ത അക്ഷയ് ഒബ്‌റോയിയാണ്.
വിവേക് ഒബ്‌റോയിയുടെ അടുത്ത ബന്ധുവായ അക്ഷയ് എന്താണ് ചിത്രത്തില്‍ നിന്നും പിന്‍മാറാന്‍ കാരണമെന്ന് വ്യക്തമാക്കിയിട്ടില്ലെന്നും റിപ്പോര്‍ട്ടുകള്‍ ഉയരുന്നുണ്ട്. എന്നാല്‍ ചിത്രത്തിലേക്ക് അക്ഷയിയെ പരിഗണിച്ചിട്ടില്ലെന്നാണ് നിര്‍മ്മാതാവ് പ്രേരണ അറോറ വ്യക്തമാക്കിയിരിക്കുന്നത്.
