മാഡ്രിഡ്: അത്ലറ്റിക്കോ ലാവന്റേയ്ക്കെതിരേ നടന്ന മത്സരത്തില്‍ ഇടങ്കാലന്‍ സോളോ ഗോളടിച്ച് തിളങ്ങി അലെക്സ് കൊളാഡൊ. മത്സരത്തിന്റെ 90-ാം മിനിറ്റിലാണ് കൊളാഡൊയുടെ ഈ തകര്‍പ്പന്‍ ഗോള്‍ പിറന്നത്. ഇതോടെ സ്പാനിഷിന്റെ കരുത്തരായ ബാഴ്‌സലോണയ്ക്ക് പുത്തന്‍ താരോദയം ലഭിച്ച സന്തോഷത്തിലാണ് ആരാധകര്‍.
?? Ha passat un dia però no ens cansem de repetir-ho / ?? Ha pasado un día pero no nos cansamos de repetirlo:
? Quin golàs d’Álex Collado! /
? ¡Qué golazo de Álex Collado!#BarçaB #ForçaBarça?? pic.twitter.com/3gnojlJmZz— FC Barcelona B (@FCBarcelonaB) September 30, 2019
സൂപ്പര്‍ താരം ലയണല്‍ മെസ്സി, ജെറാര്‍ഡ് പിക്വെ, സെസ് ഫാബ്രിഗാസ്, തിയാഗോ മോട്ട എന്നിവരടങ്ങുന്ന പട്ടികയിലേക്കാണ് ഇപ്പോള്‍ കൊളാഡൊയെ ആരാധകര്‍ ചേര്‍ത്തിരിക്കുന്നത്. വലതു വിങ്ങില്‍ നിന്ന് മൂന്ന് പ്രതിരോധ താരങ്ങളെ വെട്ടിയൊഴിഞ്ഞ് പോസ്റ്റിലേക്ക് പതിച്ച് ആ ഇടങ്കാലന്‍ ഗോള്‍ ഇതിനോടകം വൈറലായിരിക്കുകയാണ്.
ലയണല്‍ മെസ്സിയെ ഓര്‍മ്മിപ്പിക്കും വിധമാണ് കളിക്കളത്തില്‍ കൊളാഡൊ നിറഞ്ഞാടിയതെന്നാണ് ആരാധക പക്ഷം. സമൂഹമാധ്യമങ്ങളില്‍ ട്രെന്‍ഡില്‍ നിരയില്‍ ഇതിനോടകം കൊളാഡൊയുടെ ഗോള്‍ വീഡിയോ സ്ഥാനം നേടിക്കഴിഞ്ഞിരിക്കുകയാണ്.
